Майрамдык иш-чара Зулпукар Ормонов атындагы стадиондо өтүп, ага район аймагындагы мекеме-уюмдардын өкүлдөрү, айыл өкмөт башчылары, жаштар жана жергиликтүү тургундар активдүү катышышты.

Иш-чаранын жүрүшүндө эмгекти даңазалаган майрамдык маанай өкүм сүрүп, ар түрдүү спорттук оюндар, кызыктуу мелдештер жана таймаштар уюштурулду. Катышуучулар өздөрүнүн шамдагайлыгын, күчүн жана биримдигин көрсөтүштү. Мындай иш-чаралар элдин ынтымагын бекемдеп, коомдогу достук жана өз ара сый-урматты арттырууга өбөлгө түзөрү белгиленди.

Майрамдык иш-чарага Куршаб айыл өкмөтүнүн башчысы Сактан Келдибаев да катышып, эмгекчилерди майрамы менен куттуктады. Ал өз сөзүндө өлкөнүн жана аймактын өнүгүшүндө ар бир эмгек адамынын салымы чоң экенин белгилеп, эл үчүн ак ниет эмгектенип келе жаткан жарандарга ыраазычылык билдирди.

Ошондой эле эмгек — коомдун өнүгүүсүнүн, үй-бүлөнүн бакубат жашоосунун жана өлкөнүн келечегинин негизги тиреги экени айтылып, бардык эмгекчилерге бекем ден соолук, үй-бүлөлүк бакыт, иштерине ийгилик жана мол жетишкендиктер кааланды.

Майрамдык иш-чара көтөрүңкү маанайда өтүп, катышуучулар жакшы таасирлер менен тарашты.

1-Май — эмгектин баркын даңазалаган, ынтымакты, достукту жана биримдикти бекемдеген өзгөчө майрам катары белгиленди.