Иш-чаранын негизги максаты — калктын укуктук сабаттуулугун жогорулатуу, жарандарга мыйзамдык маселелер боюнча жеткиликтүү кеңеш берүү жана социалдык багыттагы көйгөйлөрдү чечүүгө көмөк көрсөтүү болду.

Иш-чаранын алкагында тажрыйбалуу адистер жарандарды кабыл алып, аларга ар кандай укуктук маселелер боюнча акысыз юридикалык кеңештерди беришти. Мындан тышкары, документтерди туура толтуруу, арыздарды даярдоо, мыйзамдарда каралган укуктар жана милдеттер боюнча кеңири түшүндүрмөлөр берилди.

Социалдык багыттагы адистер жарандарга жөлөкпулдар, социалдык жардамдар, жеңилдиктер жана башка мамлекеттик колдоо чаралары тууралуу маалымат беришип, ар бир кайрылууну өзүнчө карап чыгышты. Зарыл болгон учурларда тиешелүү мекемелерге кайрылуу тартиби жана керектүү документтер тууралуу да түшүндүрмөлөр берилди.

Мындай иш-чаралар жарандардын көйгөйлөрүн мүмкүн болушунча жеринде чечүүгө, керектүү маалыматты түздөн-түз адистерден алууга жана мамлекеттик органдар менен калктын ортосундагы байланышты жакшыртууга шарт түзөт.

Ошондой эле мындай демилгелер калктын мамлекеттик жана муниципалдык кызматтарга болгон жеткиликтүүлүгүн жогорулатып, жарандардын өз укуктарын билүүсүнө жана социалдык мүмкүнчүлүктөрдөн туура пайдалануусуна көмөк көрсөтөт.

Акысыз кызматтарды алган жарандар уюштуруучуларга жана адистерге терең ыраазычылыктарын билдирип, мындай пайдалуу иш-чараларды мындан ары да өткөрүп туруу зарылдыгын белгилешти.

Куршаб айыл өкмөтү жарандардын укуктук жана социалдык маселелерин чечүүгө багытталган иштерди мындан ары да улантууга өзгөчө көңүл бурат.